Përditësimi i fundit: 12 gusht 2026
Informacionet që përdoren
Shërbimet dhe aplikacionet mund të përdorin të dhëna teknike si identifikuesi i pajisjes, adresa MAC, versioni i aplikacionit, platforma, adresa IP dhe informacione bazë të sesionit. Këto përdoren për aktivizim, verifikim të qasjes, mbështetje dhe stabilitet.
Formularët e kontaktit dhe kyçjes
Kur dërgoni kërkesë për kyçje, ofertë biznesi, mbështetje, faturim ose kontakt të përgjithshëm, përpunohen emri, kontakti, adresa kur nevojitet, shërbimi i zgjedhur dhe mesazhi. Këto të dhëna dërgohen te ekipi i KOSNET-it vetëm për trajtimin dhe përcjelljen e kërkesës.
Aplikimet për punë
Kur aplikoni për punë, përpunohen të dhënat e kontaktit, arsimi, aftësitë, përvoja dhe CV-ja që bashkëngjitni. CV-ja kontrollohet dhe dërgohet si bashkëngjitje te ekipi përkatës; nuk ruhet në dosje publike të webit. Të dhënat përdoren vetëm për vlerësimin e aplikimit dhe komunikimin rreth punësimit.
Aktivizimi i pajisjeve
Qasja në KOSNET TV mund të varet nga aktivizimi ose çiftimi i pajisjes. Identifikuesi i pajisjes mund të përdoret për të kontrolluar autorizimin e shërbimit.
Të dhënat e transmetimit
Aplikacioni mund të kërkojë kanale live, EPG, logo, preferenca dhe informacione teknike të luajtjes. Regjistrat teknikë mund të përdoren për mirëmbajtje dhe zgjidhje problemesh.
Chat-i i mbështetjes Tawk.to
Faqja përdor Tawk.to për komunikim të drejtpërdrejtë me ekipin e mbështetjes. Kur hapni chat-in, ky shërbim i palës së tretë mund të përpunojë të dhëna teknike të sesionit dhe informacionin që vendosni ta dërgoni në mesazh. Mos dërgoni të dhëna të kartelës ose fjalëkalime në chat.
Ndarja dhe siguria
KOSNET nuk shet informacion personal. Informacioni mund të ndahet vetëm me ofrues teknikë kur është e nevojshme për operimin, sigurimin dhe mbështetjen e shërbimit.
Kontakt
Për pyetje rreth privatësisë ose përdorimit të të dhënave, shkruani në info@kosnet.com.